ເນື້ອເລື້ອງໂດຍຫຍໍ້:
   
     The Sims Castaway Stories ຫນ້າຈະເປັນເລື້ອງລາວຕໍ່ຈາກ The Sims 2: Bon Voyage ທີຫລັງຈາກຊາວ Sims ທັງຫລາຍພາກັນໄປທອງທ່ຽວແລ້ວຂາກັບເກີດມີພະຍຸເຮັດໃຫ້ເຮືອຫລົ້ມ ແລ້ວແຕ່ລະຄົນຕ່າງກໍລອຍໄປຕິດຢູ່ເກາະຮ້າງແຫ່ງຫນຶ່ງກາງທະເລ ເຮັດໃຫ້ບັນດາ Sim ທັງຫລາຍຕ້ອງຫາວິທີເອົາໂຕລອດໃຫ້ໄດ້.... ຟັງໆໄປແລ້ວຄືກັບຫນັງ Castaway + ເກມທໍລະທັດ Survivor  . ໂດຍເຮົາສາມາດເລືອກຫລິ້ນໄດ້ທັງໂຫມດ Story ແລະ ໂຫມດທຳມະດາ ( ກະຄືບໍ່ແມ່ນ Story ).

    ເນື່ອງຈາກວ່າ The Sims Castaway Stories ນີ້ບໍ່ມີເນື້ອຫາກ່ຽວກັບ The Sim2 ດັ່ງນັ້ນທາງ Maxis ເລີຍໄດ້ສ້າງເປັນພາກແຍກອອກຕ່າງຫາກ ຄືບໍ່ຈຳເປັນຕ້ອງມີ The Sim2 ເປັນເກມຫລັກ ແຕ່ຖ້າເປັນ Version ຂອງ PS2, PSP, Wii, NDS ຈະໃຊ້ຊື່ວ່າ The Sims 2: Castaway.

ລະບົບການຫລິ້ນ:

     ລະບົບການຫລິ້ນກໍຄືໆກັບເກມ The Sims ທົ່ວໆໄປ ແຕ່ຈະມີຈຸດແຕກຕ່າງບ່ອນທີ່ເຮົາຕ້ອງຫາທາງເອົາຊີວິດລອດໄປຈາກເກາະຮ້າງນີ້ໃຫ້ໄດ້ ໂດຍຕ້ອງອາໃສການເກັບຫມາກໄມ້, ການຫາປາ ເພື່ອບໍ່ໃຫ້ຫິວຕາຍ, ຊອກຕັດໄມ້ແຫ້ງ ຕັດຫຍ້າ ເພື່ອມາສ້າງເປັນບ້ານອາໃສຊົ່ວຄາວ. ສະພາບອາກາດຂອງເກາະກໍມີການປ່ຽນແປ່ງຕະຫລອດ ອາດຈະມີຝັນຕົກ ຫລື ແດດຈ້າໄປແຕ່ລະມື້ ເຊິງຖ້າເຮົາບໍ່ເອົາໃຈໃສ່ກໍອາດຈະເປັນໄຂໄດ້. ບາງຄັ້ງຖ້າໂຊກດີ ເວລາເຮົາອອກຈາກທີພັກຄະນະທີ່ຝົນຕົກ ເຮົາອາດຈະຖືກຟ້າພ່າລົງມາໃສ່ຫົວໄດ້....ແຕ່ບໍ່ເຖິງຂັ້ນຕາຍດອກ.

ຫາກໍຮູ້ວ່າຄົນປະເທດ Sims ນິສາມາດປີ້ນຂຶ້ນໄປເອົາຫມາກພ້າວມາກິນໄດ້ເກັ່ງອີ່ຫລີ


ຝົນຕົກຢູ່ ແຕ່ວ່າບໍ່ມີຫຍັງກິນເລີຍຕ້ອງຕຶກປາມາປີ້ງກິນ...


ອັນນີ້ກໍຫາກະຮູ້ວ່າ ຖ້າອອກໄປຕຶກເບັດຍາມຝົກຕົກຈະຖືກ.... ດຳປີ້ເລີຍ


ລະບົບພາບ:

    ລະບົບພາບກໍຍັງເປັນ Engine ດຽວກັນກັບ Sim2 ແຕ່ຖ້າທຽບໃສ່ກັບເກມ Sim2 ໂຕອື່ນໆ ຈະເຫັນວ່າພາກດີໄດ້ບີບເອົາຄວາມສາມາດທັງຫມົດ ຂອງລະບົບອອກມາໃຊ້ໄດ້ຢ່າງຄຸ້ມຄ່າ ເພາະການຫລິ້ນຂອງເຮົາແມ່ນຢູ່ຖ່າມກາງທຳມະຊາດທີ່ມີທັງຕົ້ນໄມ້, ນຳທະເລ, ຫາດຊາຍ, ສິ່ງກໍສ້າງຕ່າງໆ ແລະສະພາບອາກາດທີ່ປ່ຽນແປງຕະຫລອດ ບໍ່ຄືກັບພາກອື່ນໆທີ່ເຫັນແຕ່ສິ່ງກໍສ້າງ, ລົດ, ຖະນົນ ແລະ ສວນຫລັງບ້ານເທົ່ານັ້ນ.

ຕົ້ນໄມ້ແຕ່ລະຕົ້ນ ກໍ່ມີປະໂຫຍດຕ່າງກັນໄປ


ພາບນ້ຳ ແລະ ແສງສະທ້ອນງາມໆແບບນີ້ຄົງຈະບໍ່ໄດ້ເຫັນໃນເກມ Sims ທົ່ວໆໄປ


ລະບົບສຽງ:

   ລະບົບສຽງນີ້ ຈະວ່າໄປແລ້ວມັນກໍເປັນເອກະລັກຂອງເກມ The Sims ໄປແລ້ວ ໂດຍສະເພາະແມ່ນໃນເວລາລົມກັນຈະໃຊ້ພາສາ Sims ລົມກັນ ( ໃຜເຄີຍຫລິ້ນຄົງຈະເຂົ້າໃຈດີ ). ແຕ່ກໍຄືກັບທີ່ເວົ້າມາ, ຍ້ອນວ່າພາກນີ້ແມ່ນເຮົາອາໃສໃນເກາະ ໃນປ່າເປັນຫລັກ ເລີຍມີສຽງຄື້ນທະເລ, ສຽງນົກຫນູກົບຂຽດ ແລະເມື່ອເວລາຝົນຕົກກໍຈະມີສຽງຝົນຕົກ ແລະ ສຽງຟ້າຮ້ອງ.... ເຮັດໃຫ້ Sims ພາກອື່ນຕົກລະດັບທັນທີ.

ຈຸດໄຟແນວນີ້ກໍມີສຽງໄຟໄຫມ້.... ຄືເກົ່ານັ້ນລະ


ສຽງນ້ຳຖືກກະທົບໃນຄະນະທີ່ລອຍຢູ່ ຮູ້ສຶກເປັນທຳມະຊາດຫລາຍໆ

     
ສະລຸບໂດຍລວມ:

      ເປັນອີກຫນຶ່ງເກມໃນຕະກູນ The Sims ທີ່ເຮັດອອກມາດີພໍສົມຄວນ ໂດຍສະເພາະເນື້ອຫາທີບໍ່ຈຳເຈເກີນໄປ ( ແຕ່ບາງຄັ້ງກໍຫນ້າເບື່ອກັບສາກເກົ່າໆ ) ເຮັດໃຫ້ຜູ້ຫລິ້ນມີຄວາມກະຕືລືລົ້ນໃນການເອົາຊີວິດໃຫ້ລອດຖ່າມກາງທຳມະຊາດທີ່ບໍ່ແນ່ນອນ, ການພະຈົນໄພ ແລະການຄົ້ນພົບສິງໃຫມ່ໆທີ່ຖືກເສື່ອງໄວ້ໃນປ່າອັນຕຶບຫນາ ແລະ ສຸດທ້າຍແລ້ວ ຊາວ Sims ທີຕິດຢູ່ເກາະນີ້ຈະຫນີອອກໄປຈາກເກາະຮ້າງແຫ່ງນີ້ດ້ວຍວິທີໃດ ແລ້ວພວກເຂົາຈະເຮັດໄດ້ສຳເລັດຫລືບໍ່ກໍແມ່ນຂຶ້ນກັບພວກທ່ານນັ້ນເອງ.


ຂໍ້ໄດ້:
     

• ສາມາດສະແດງຄວາມງາມຂອງ Engine ໄດ້ຄຸ້ມຄ່າ
• ມີເນື້ອເລື່ອງທີ່ສາມາດຫລິ້ນແລ້ວຈົບໄດ້
• ບໍ່ເບື່ອງ່າຍຄືກັບເກມ The Sims ອື່ນໆ

• ບາງຄັ້ງຕ້ອງໃຊ້ເວລາດົນເກີນເຫດກວ່າຈະສາມາດຜ່ານໄປເມືອງໃຫມ່ໄດ້
• ເນື້ອເລື່ອງບໍ່ຄ່ອຍຈະລົງໂຕປານໃດ ເຮັດໃຫ້ບໍ່ຢາກກັບມາຫລິ້ນອີກຄັ້ງທີ່ 2
• ໃນໂຫມດ Story ຕົວລະຄອນມີໃຫ້ເລືອກພຽງແຕ່ 2 ຄົນ