Laozaa ຫນ້າຮັກ ແລະ ສົດໃສ - Lession 6: ການເຮັດ Vista Aero ແບບງ່າຍໆ

Lession 6: ການເຮັດ Vista Aero ແບບງ່າຍໆ

Written by Defago

ພໍດີມີສະມາຊິກຜູ້ໜຶ່ງຂໍໃຫ້ເຮັດບົດສອນເລື່ອງນີ້ຂຶ້ນມາ, ກໍ່ເລີຍຈັດມາໃຫ້ຕາມຄຳຮຽກຮ້ອງເລີຍ.
ຫວັງວ່າຂ້າພະເຈົ້າຈະບໍ່ເຮັດໃຫ້ງົງກັນເນາະ, ເພາະໂຕຂ້າພະເຈົ້າເອງກໍ່ເປັນແຕ່ນັກສຶກສາ ທີ່ມີຄວາມຮັກໃນການແຕ້ມຮູບ ແລະ ອອກແບບຕົກແຕ່ງພາບ, ບໍ່ໄດ້ເຄີຍສອນຜູ້ໃດມາກ່ອນ,
ຖ້າບໍ່ເຂົ້າໃຈຈັງໃດກໍ່ຂໍອະໄພມານະທີ່ນີ້ດ້ວຍ ທຸກໆຄຳແນະນຳທີ່ໄດ້ຮັບຈະຖືເປັນກຽດຢ່າງຍິ່ງ.

1. ຫາຮູບໃດໜຶ່ງທີ່ເຮົາຈະເຮັດເປັນ background ກ່ອນເດີ້, ໃນນີ້ຂ້າພະເຈົ້າເລືອກຮູບດັ່ງລຸ່ມນີ້

2. ຫຼັງຈາກເລືອກຮູບທີ່ຈະເອົາມາເປັນ BG ໄດ້ແລ້ວກໍ່ໃຫ້ທຳການ New ໄຟລ໌ຂະໜາດ 600x450 ມາໜຶ່ງອັນ.
3. ໃຊ້ເຄື່ອງມື Rounded Rectangle Tools ແລະເລືອກໃຊ້ສີດັ່ງຮູບ.

ເລືອກສີປະມານນີ້

4.ຕັ້ງຄ່າ Opacity ຂອງ layer ຮູບທີ່ເຮົາສ້າງຂຶ້ນມາໃຫ້ເປັນ 50%.

5. ເຮົາກໍ່ຈະໄດ້ຮູບແບບນີ້ມາ.

6. ຄລິກຂວາໃສ່ Layer ດັ່ງກ່າວ ແລ້ວເລືອກ Blending Options ດັ່ງຮູບ.

7. ທຳການປັບຄ່າ ເພື່ອລົງເງົາ ແລະ ຄວາມນູນ ຕາມຮູບ.

8. ຈະໄດ້ຮູບມາແບບນີ້.

9. ເປັນອັນຮຽບຮ້ອຍສຳລັບກອບທາງຫຼັງ ສະໄຕຣ໌ Vista Aero. ບາດນີ້ເຮົາກະຍັງເຫລືອໂລໂກ້ຂອງບ່າວ Windows Vista, ໃຫ້ທຳການ open ໂລໂກ້ Windows Vista
ຂຶ້ຶ້ນມາ ແລ້ວກໍ່ຕັດມັນມາວາງໄວ້ ແລະ ຍໍ້ຂະໜາດໃຫ້ໄດ້ຕາມຕ້ອງການ. ສຳລັບຜູ້ທີ່ບໍ່ມີກໍ່ເອົາໂຕທີ່ຂ້າພະເຈົ້າເອົາມາໃຫ້ໄປໃຊ້ເບິ່ງກໍ່ໄດ້, ເປັນ .PNG ເອົາໄປວ່າງເລີຍບໍ່ຕ້ອງຫຍູ້ງຍາກ.

10. ຫຼັງຈາກເອົາມາວາງແລ້ວໃຫ້ທຳການແຕ່ງສີຂອງ layer ຂອງໂລໂກ້ Windows Vista ຕາມຂັ້ນຕອນດັ່ງລຸ່ມນີ້:
ຄລິກເຂົ້າ Layer > Adjustment > Shadow/Highlight

ເຮົາກໍ່ຈະໄດ້ຮູບແບບນີ້.

11. ຕໍ່ມາທຳການລົງເງົາໃຫ້ໂລໂກ້ Windows Vista ຕາມຂັ້ນຕອນຄືກັນກັບການລົງເງົາໃນຂັ້ນຕອນທີ່ 6.

12. ຕໍ່ມາໃຫ້ ກົດ Ctrl + Click ໃສ່ Layer ຂອງໂລໂກ້ Windows Vista, ແລ້ວທຳການເທສີຂາວລົງໄປແລ້ວປັບຕາມຮູບ.

ເຮົາຈະໄດ້ຮູບແບບນີ້.

13. ຕໍ່ມາໃຫ້ສ້າງ Layer Mask ໃນ Layer ສີຂາວທີ່ເຮົາເຮັດໃໝ່ຂຶ້ນມາດັ່ງຮູບ.

ແລ້ວໃຊ້ເຄື່ອງມື select ແບບວົງມົນດັ່ງຮູບ.

ຫຼັງຈາກ select ແລ້ວໃຫ້ເທສີດຳລົງໄປ ຈະໄດ້ຮູບອອກມາແປບນີ້.

ທຳການແຕ່ງແຕ້ມໂດຍໃຊ້ brush tools, ທາສີດຳເພື່ອລືບສ່ວນສີຂາວອອກຈົນເປັນດັ່ງຮູບ (ອ່ານບ່ອນໝາຍເຫດເພີ່ມເຕີມ)

14. ມາຮອດຂັ້ນຕອນສຸດທ້າຍແລ້ວ ຕອນນີ້ເຮົາກໍ່ຍັງເຫຼືອແຕ່ຕົວໜັງສື Windows Vista, ໃຫ້ຄລິກໃສ່ເຄື່ອງມືພິມຕົວໜັງສືທີ່ເປັນຕົວ T ເລີຍ, ແລ້ວປັບຄ່າ fonts ຕາມນີ້
Font Calibri ຈະແມ່ນ font ມາດຕະຖານຂອງ Windows Vista ສະນັ້ນຂ້າພະເຈົ້າຂໍໃຊ້ font ນີ້ກໍ່ແລ້ວກັນເນາະ.

15. ປັບຄ່າ font ແລ້ວ ພິມຄຳວ່າ Windows Vista ເຂົ້າໄປເລີຍ, ເຊິ່ງໃນທີ່ນີ້ຂ້າພະເຈົ້າຂໍຂ້າມໄປເລີຍ ເພາະເຫັນວ່າມັນບໍ່ໜ້າຈະມີບັນຫາຫຍັງ

16. ທຳການລົງເງົາໃຫ້ຕົວໜັງສື Windows Vista ຕາມຂັ້ນຕອນທີ່ 6.

17. ເທົ່ານີ້ກໍ່ເປັນອັນຈົບແລ້ວ, ເຮົາກໍ່ໄດ້ຮູບພາບ ທີ່ເບິ່ງໆໄປເໝາະກັບການເປັນໜ້າ bootskin ຫຼື login ຂອງ Windows ອີ່ຫລີ ^^.

ເທົ່ານີ້ກໍ່ເປັນອັນຈົບສຳລັບບົດຮຽນບົດນີ້ເນາະ. ຫວັງວ່າຄືຈະບໍ່ງົງຈົນເປັນແບບນີ້ໝົດທຸກຄົນຕິເບາະ Undecided

ສຸດທ້າຍກະຂໍຝາກບົດຄວາມນີ້ໄວ້ນຳທຸກໆຄົນເດີ້ ຖ້າຈະເອົາໄປໂພສ໌ໄວ້ບ່ອນໃດກໍ່ຂໍໃຫ້ credit ຂ້າພະເຈົ້ານຳ, ເພາະນັ່ງຂຽນ ນັ່ງ capture ໜ້າຈໍ ກິນເວລາໄປເກືອບ 3 ຊົ່ວໂມງລະ.
ຂໍຂອບໃຈ Cheesy

< Prev		Next >

[ Back ]

__________________________________________________________________________________
___________________________ຕະຫລາດ ລາວຊ້າ / Laozaa E-market___________________________

Christine Mcguire	Annie Burks	Louise Dillard	Boyd Mccarthy
Jonathan Patton	John Kane	Therese Good	Shannon Jefferson

__________________________ຕາລາງຫນັງສາຍໃນ ITECC___________________________