ບອດໄມໂຄຣຊອຟທ໌ຍັງຫາລືກັນ ເລື້ອງຊື້ຮຸ້ນ ຢາຮູ

User Rating: / 0
PoorBest 

Written by birdflu2007.exe

ຊີອີໂອໄມໂຄຣຊອຟທ໌ ສະຕີຟ ບອນເມີລ໌ ເທິງເວທີງານຖະແຫລງຂ່າວທີ່ປະເທດຈີນ  ວອນລ໌ສະຕີດເຈີລ໌ນອນລາຍງານອ້າງແຫລ່ງຂ່າວນິລະນາມ ວ່າຄະນະຜູ້ບໍລິຫານໄມໂຄຣຊອຟທ໌ (Microsoft) ມີການຫາລືເລື່ອງການສະເໜີຊື້ຮຸ້ນຢາຮູເມື່ອວັນພຸດທີ່ຜ່ານມາ ລາຍງານຊີ້ວ່າເປັນການພິຈາລະນາເພື່ອເພີ່ມຕົວເລກສະເໜີຊື້ຢາຮູຈາກເດີມ 4.19 ໝື່ນລ້ານຫລຽນສະຫະລັດ ແທນທີ່ຈະເຮັດເສິກແສນຍືດເຍື້ອເພື່ອຫາທາງຊື້ຢາຮູ ລາຍງານລະບຸວ່າທີ່ປະຊຸມບໍ່ສາມາດຫາຂໍ້ສະຫລຸບໄດ້                ຄວາມເຫັນຂອງຄະນະຜູ້ບໍລິຫານໄມໂຄຣຊອຟທ໌ຕໍ່ກໍລະນີການສະເໜີຊື້ຢາຮູນັ້ນເປັນທີ່ສົນໃຈກັນຫລາຍ ໂດຍສະເພາະເມື່ອພົ້ນວັນທີ່ 26 ເມສາ ທີ່ໄມໂຄຣຊອຟທ໌ຂີດເສັ້ນໃຫ້ຢາຮູຕັດສິນໃຈຂໍ້ສະເໜີຊື້ບໍລິສັດອີກຄັ້ງມາແລ້ວ ຈຸດນີ້ໄມໂຄຣຊອຟທ໌ເຄີຍສົ່ງສັນຍານວ່າຈະຖະແຫລງຂໍ້ສະຫລຸບທ່າທີຂອງບໍລິສັດທີ່ມີຕໍ່ການປະຕິເສດຂໍ້ສະເໜີຊື້ຂອງຢາຮູຄັ້ງຫລ້າສຸດພາຍໃນອາທິດນີ້                ກ່ອນໜ້ານີ້ ຊີອີໂອ ສະຕີຟ ບອນເມີລ໌ ອອກມາລະບຸວ່າ ໄມໂຄຣຊອຟທ໌ມີການກຽມພ້ອມຈະສູ້ເສິກອອນໄລນ໌ດ້ວຍລຳແຂ່ງຂອງຕົວເອງໂດຍບໍ່ສົນໃຈຢາຮູ ແມ່ນກ່ອນໜ້ານີ້ໄມໂຄຣຊອຟທ໌ຈະມີທີທ່າພະຍາຍາມເຮັດທຸກຢ່າງໃຫ້ໄດ້ມາເຊິ່ງຢາຮູ ທັງການຂູ່ວ່າຈະສະເໜີຊື້ຮຸ້ນຢາຮູຈາກຜູ້ຖືຮຸ້ນໂດຍກົງ ຫລືການໃຊ້ວິທີແຊກແຊງການແຕ່ງຕັ້ງຄະນະກຳມະການບໍລິຫານຢາຮູ ດ້ວຍການລັອບບີ້ຜູ້ຖືຮຸ້ນທີ່ຕ້ອງການຂາຍຮຸ້ນໃຫ້ໄມໂຄຣຊອຟທ໌ ລົງຄະແນນເລືອກກຳມະການບໍລິຫານຊຸດໃໝ່ທີ່ໄມໂຄຣຊອຟທ໌ຈັດຫາໄວ້                ຍັງບໍ່ມີລາຍງານຄວາມເຫັນຈາກຂ່າວທີ່ເກິດຂື້ນຈາກໄມໂຄຣຊອຟທ໌ ໂດຍລາຍງານໃນວອນລ໌ສະຕີດເຈີລ໌ນອນລະບຸວ່າ ໄມໂຄຣຊອຟທ໌ອາດຈະເພີ່ມມູນຄ່າສະເໜີຊື້ຢາຮູຈາກຮຸ້ນລະ 31 ຫລຽນມາເປັນ 33 ຫລຽນ ເຊິ່ງກໍຍັງບໍ່ພຽງພໍກັບທີ່ກຳມະການບໍລິຫານຢາຮູຕ້ອງການ 35 ຫລຽນຕໍ່ຮຸ້ນ ຈຸດນີ້ລາຍງານຊີ້ວ່າ ຊີອີໂອບອນເມີລ໌ແລະຊີອີໂອຂອງບໍລິສັດແບລ໌ສະເທິນສ໌ (Bear Stearns) ທີ່ປຶກສາໄມໂຄຣຊໍອຟທ໌ ນາມວ່າ ອາລັນ ຊະວາດຊ໌ (Alan Schwartz) ນັ້ນເລີ່ມການລັອບບີ້ຜູ້ຖືຮຸ້ນຢາຮູແລ້ວເພື່ອໃຫ້ອອກສຽງສະໜັບສະໜູນການຂາຍຮຸ້ນໃນລາຄາທີ່ຕ່ຳກວ່າ                ຢ່າງໃດກໍຕາມ ນັກວິເຄາະຫລາຍລາຍເຊື່ອວ່າມີຄວາມເປັນໄປໄດ້ສູງທີ່ໄມໂຄຣຊອຟທ໌ຈະເພີ່ມຂໍ້ສະເໜີຊື້ເປັນເງີນ 35 ຫລຽນຕໍ່ຮຸ້ນ ແມ່ນຈະດີກວ່າຫາກໄມໂຄຣຊອຟທ໌ປ່ຽນໃຈ ເອົາເງີນຖັງທີ່ກຽມໄວ້ຊື້ຢາຮູມາຊື້ບໍລິສັດດາວລຸ້ງລາຍນ້ອຍ ເຊິ່ງຈະເປັນຜົນດີີຕໍ່ພາບລວມຂອງໄມໂຄຣຊອຟທ໌ຫລາຍກວ່າ ແລະສາມາດສ້າງຕະຫລາດໃໝ່ແລະເຮັດເງີນໂຄສະນາອອນໄລນ໌ໃຫ້ໄມໂຄຣຊອຟທ໌ໄດ້ເຊັ່ນກັນ source : bcoms.net

 

< Prev		Next >

__________________________________________________________________________________
___________________________ຕະຫລາດ ລາວຊ້າ / Laozaa E-market___________________________

Christine Mcguire	Annie Burks	Louise Dillard	Boyd Mccarthy
Jonathan Patton	John Kane	Therese Good	Shannon Jefferson

__________________________ຕາລາງຫນັງສາຍໃນ ITECC___________________________